養兵千日

(TT314團體照，J按)

 

今次我嘗試唔用報告每場戰況既形成去寫報告，睇下寫成點。

20130413大棠戰鬥日主要目的係訓練新兵，同時訓練原隊員既指揮及領導能力。
根據Join(J按，是JOHN)俾我地既分隊，Wai and Tommy 負責帶領新隊員們，以我身於敵對既作戰單位，新隊員們既能力算進步得快。我見佢地互相配合得幾好，敵對時，有好幾次都聽到佢地講定邊個上前邊個做cover，Wai and Tommy 講既野佢地應該都完全收到，仲有佢地每一個，係每一個人都有勇於上前既心，我感覺到佢地成形既時候我前面會多好多攻擊單位去作戰。

至於潛行方面有待改善。

1.收腳步，踏地時候盡力輕放，若用平時行路既力度就會踩斷樹枝容易被發現。

2.阻礙物，潛行既阻礙物多數都係一d草同樹枝，我地應該輕力將佢移開，因為我地冇能力去切斷，所以只能移開樹枝&草。點解要輕力？因為你大力移開，樹枝&草就會大力彈番轉頭會有聲就有機會引起敵方注意，你輕力既話首先會減小左對軍聲音上既偵察。
2.1. 為左方便潛行時保護自己，請緊記要買手套同著軍服，因為你要用手去移開草木，避面手部受傷，軍服迷彩色方便隱藏。

至於平地場尋找掩護埋都需要改善。

1.安全掩護物，早上既車場，我睇到「大文」上前左一架紅車做Cover，但因為架紅車係直放，而「大文」就跑到車頭，左右手邊既掩護係極少甚至係零，所以我就好容易從斜角打左「大文」落黎。
1.1. 車場有好幾塊鐵板中間係有個窗口位，可以利用窗口位做偵察，但同時要小心呢個窗口位，分分鐘因為個窗口位而令自己死亡。

下午原隊員帶新隊員環節

我都曾經表達過小隊死鬥既作用唔大，而同時新隊員們都同我反映過小隊死鬥非常之悶，我自己都覺得從中教唔到佢地d乜野。
午飯時同Wai and Tommy研究一舊隊員帶一新隊員然後分隊做對戰，效果我自己覺得非常之好，一黎每個部份都有舊隊員去帶領，而且同新隊員溝通多左，所以我覺得小隊死鬥可以廢除，用小隊對戰去親自帶每個新隊員會好好多。

下午場新隊員入面我揀左「文仔」，因為從上半場觀察當中佢係經常上前既新隊員，所以我選擇左佢。我既指示文仔都做到，而且文仔都跟得上我既速度。所以之後既戰鬥or訓練，我都會開始多數帶文仔。當然我都會繼續觀察邊d新隊員係適合打前鋒而選擇去集中地教佢地，始終本人都係屬於攻擊型所以我揀隊員多數都會偏向勇於上前，有速度既人。

而小隊對戰當中我帶過「文仔、大文」，其實仲有好幾個不過我唔記得個名(((我會盡快記得你地個名...

大文今次用既係我支AK，如果KEEP住用AK的話我覺得你做陽攻既工作或者掩護射擊會比較好。

文仔身型適合潛行 & 前鋒，基本上同我 & Tommy 同一類型，所以文仔會被我主力訓練既新前鋒。

TO 各位新隊員 : 今次0413既訓練當中你地每一個都做得好好，我睇到你地既進步我非常之開心。打左幾次之後，你地要開始嘗試問下自己想打乜野位置，前，中，後，當你地確定好左之後就搵番相關既舊隊員去教你地。

TO 文仔 : 下午小隊對戰當中同你合作好開心，多謝你相信我既能力肯聽我講，以後合作我會再教你更多唔同既攻擊模式以及作戰方法，咁就希望你每次既活動當中能夠出席，因為打得多經驗多經驗多就會進步。

以下例子只供參考
潛行、側擊、攻擊、攻擊埋伏，可以搵 KO&Tommy&Wai
陽攻、掩護射擊、引火，可以搵 Wai & So & MG & John & Eric
防守、固定位置、防守埋伏，可以搵 John &CB & Ting & Su & NC

0413養兵千日報告完畢。From 中士 KO

P.S. SO & MG & 星 請你們盡快歸來，隊伍需要你們。