713超級大棠

琴晚訓得著既時間就只有兩個鐘，跟住就眼光光等天光等到六點幾，本身仲以為會影響今日既發揮，但到最後今日都發揮得唔錯。

1戰草場(蕉樹起點):被John分派既6人小隊(KO,德A,Tommy,雞爺,XO,廷)，德A負責中間戰線，而我就中間偏右，TOMMY則最右，我地三個合力打左幾個人之後TOMMY死先跟住到我。

2戰小戰壕(蕉樹起點):德A下令進行游擊戰，我去到中間先殺幾個，然後再到最右邊同小強對射先殺小強，再俾LANC執左我出黎。

3戰小戰壕(小高地起點):就一直守住比較後既位置，因為人少所以自己決定先守一守，然後守得太耐叫NC(中途加入)補我位，我去幫Tommy手，同Tommy掉換位置，執左魯Sir同小強仲有一個學生出黎，然後再同Tommy進行右邊包圍，清掃全場。

4戰小戰壕(蕉樹起點):先到中間位置，驚見John帶領兩名女將上前衝鋒陷陣，可惜只有三人，軍力不足John衝鋒小隊全滅，我就響中間係咁打人出黎！(戈粒新電實在太利害 , 令我支槍既射程增加)，打到接近尾段，進行潛行，成功擊殺兩名敵人，但始終都有敵人存在未包哂就死左。同時完場。

飯！自助餐！又好食！

團隊死鬥戰，KO Team為 Ko , 馬嬲 , 希 . 我地第二隊入去，我既決定係先上高處，一路行既時侯我就教佢地行路草地要細力，確認對方係一定進入射程範圍先可以進行射擊，另外一定要一個睇後同負責睇側面。上到中上位置山頭我先同隊員佈下防線，先進行180度防線，而德A隊非常之唔好彩，響我地前面而又岩岩吹左雞，就即刻同隊員一齊擊殺佢地。然後一開槍，位置就會陽，所以德A佢地落左去之後我地就退番落去睇下有冇人上黎，落去之前已經睇得到NC TEAM已經係最高位置，因為NC處於高位我決定先解決下面既隊伍先再上去打NC，我同我隊員們慢慢又山既右邊邊位向下移動，成功伏擊Tommy小隊。伏擊後地再落多小小，並守在原地，但已經有人發現我地(並唔知道係邊Team)，我即刻Cover我既隊友再上山，因為落山始終地型問題唔夠打，上到山之後又再次佈防，此時我諗我做FIRE SUPPORT然後叫馬嬲、希攻上去我隨後，點知NC突然有動靜向山下慢慢推進，但NC TEAM最後進入我隊既射程範圍並將其擊殺。擊殺後又守一陣，隊員們建議上最高點，咁今次聽下佢地講啦，咁上去路上，見到Tommy小隊響中間條大路向我team開火，我就Cover 佢地兩個上山先然後我先再走，然後俾雞爺殺左。

第二次入去係中間入，並即刻同德A小隊交戰，然後KO TEAM響右邊潛上山，但俾NC擊殺。

第三次入去就從橋路上，與雞爺小隊交戰，並將其擊殺。然後再打上去，誰知道John黎一個14人小隊 :(

第一戰車場，膠著狀態不值一提，但馬嬲 , 希 佈防成功。(NC 槍法神準)

二戰車場(白桶起點)，全軍攻擊，我成功上到去中前偏右位置，我嗌邊度有人，但係冇人應我，只要有人我就可以包圍成功。最後俾XO打中手臂死左。

今次新玩既同學們做得好好，第一次打GAME算係咁架喇!!
另外一提就係有兩位師妹有潛質打WARGAME ~ 戈對孖妹!!竟然肯跟呀John衝，剩係呢度已經俾到80分啦!!!

買戈舊新電係幾堅抽!!原裝電原裝槍都可以打得好堅!!
今日打得幾開心~~ That's all