10倍

近排Blog都冇乜野睇，今次就等我打d野俾大家睇，但唔好期望我會打得好。

先前響Facebook加入左一個群組就識多左幾個朋友啦，而當中有一位女仔係響「女僕Cafe」打工既，經過幾日響群組入面同戈幾個朋友傾計之後，就決定4月9號16:15 去到間Cafe見面傾下計咁，經過呢一日既經歷之後覺得非常之開心啦，雖然話人地只係打份工，不過佢地戈種溫柔我係非常之感受得到。

幾日後，我就同群組入面戈位女仔傾計就講d關於佢做女僕既事，佢同我講過句說話：「其實女僕並唔係偽裝，只係將自己既溫柔放大10倍。」同佢傾計完之後一段時間，我就諗下佢講既野，將自己既溫柔放大10倍？戈陣我假設香港既女仔都唔溫柔，放大10倍既溫柔就等於「女僕Cafe」既女僕一樣，咁全香港既女仔都會非常之美好。（當然係冇可能既事）

4月13號，今日番學坐地鐵訓教既時侯我腦就係度諗，如果適當地將某一方面野放大10倍，其實效果會係好好，跟住我今日就嘗試下將自己某一方面放大10倍。首先我試將自己禮貌方面放大10倍。

Lunch 前三堂係ICP(商業實務)，ICP堂就可以嘗試將我上堂既專注力、認真度放大左10倍，注專力增強，魯Sir講既筆記要我地入單，咁我專注力、認真度放大左10倍，好快就完成左4張單。咁魯Sir仲講左d關於份Project既野，派左份表，魯Sir只係同全班講左頭兩個部份，我用左認真度放大左10倍之後既力量，好主動咁問埋魯Sir其他部份既題目係講d乜野，魯Sir好似俾我既認真同誠懇打動左Lunch 過左十五分鐘都繼續解釋俾我知，解釋完左之後走啦，我就同魯Sir講：「魯Sir，真係唔好意思，阻住你既食飯時間！」魯sir：「唔會唔會，你咁主動想問番d解釋我仲開心。」

問完魯Sir ICP之後就立即走去電腦室補課，Eva同我講：「哇KO！咁快上黎補課既？食左飯未呀？」我：「未呀。岩岩上完ICP問完野就即刻過黎。」Eva：「點解突然間咁勤力既？」我：「唔知呀。」咁我就開始做戈份練習，Eva問我有冇野唔識有冇問題要問，我好快咁答佢：「冇！」Eva：「KO你真係一個好有性格既人，第時番黎記得探我。」我笑而不語繼續做。

呢兩個例子，我番到屋企諗到，適當放大10倍係會有人睇得到、感受到，根本就係會變成兩種感覺，人地睇得到感受得到我自己心入面就好似會覺得係有一種成功感。

所以我會繼續適當地10倍化。

（希望大家會睇得明我想講乜野。）