0724 戰地風雲 感想

首先，今日既第一場，表現相當差太少理會後面既隊友們，ＭＧ上左去我走左去補佢位，但係我又冇睇清楚右邊有一堆敵人埋伏。

第二場，同時都係我體力上用得最多既一場，都係我同ＭＧ同Ｓｏ哥一齊打前，印像唔太深刻，記得唔太清楚，只係知道冇對講機已經有好大既弊處，呀星同我響正中間既凹位度Ｃａｍｐ緊，呀星俾左邊既一個敵人殺左，跟住我叫另一位師兄幫手睇下有冇得兜佢路，跟住我又自己走左去中間左邊，跟住就唔見哂我地ＳＢＳＨ既任何一人，當時我又冇對講機，又搵唔到你地係邊，我左哩又哩敵人開始衝上黎喇，咁我當時既決定係先退後先，再睇下有冇方法再兜後殺番佢地咁啦，一衝殺多兩件就俾人圍死。

打完第二場休息，食完飯，我地一齊開左個分享會，德Ａ同Ｊｏｈｎ提醒我要多ｄ留意後面既隊友，確保跟得上再行，我記得德Ａ戈陣講過，我望下ＭＧ係唔係度，係度既就ＭＧ望Ｓｏ哥係唔係度係度既先等埋後面繼續上，仲有若果小隊長死左既話就去搵其他小隊長。

戰地風雲既戰術我係同Ｔｏｍｍｙ一齊索敵打前既，場Ｇａｍｅ一開始我地就直接搶左左邊既據點，然後聽到指示話繼續衝上去，死左，但睇到人地大石後面十個守左係度，我番旗復活，番到隊中之後就一直視察敵人響邊個位置，我就收到指示跟住Ｔｏｍｍｙ試下從最左邊邊位睇下攻唔攻到上到，最後只係去到黑幕，我響黑幕慢慢伸個頭出去，都只係望到大直路中間舊石後面既一個人，呀廷好似唔驚死咁走左上去，佢俾人射喇，即刻Ｃｏｖｅｒ呀廷番黎，經過多次來回，聽到好似話有人受傷，停左一陣休息左陣，一開番Ｇａｍｅ既時侯，Ｊｏｈｎ叫我同Ｔｏｍｍｙ去中間幫手，跟住我同Ｔｏｍｍｙ同德Ａ嘗試慢慢潛入去，最終潛到一半被召回守藍旗．．．收到消息好似話後面受到攻擊，Ｔｏｍｍｙ佢齊番左後睇，我冇跟到留守藍旗，打打下一個師兄收拾左幾件，之後搶左紅旗番黎，完Ｇａｍｅ。

經過呢三場既戰事，又學曉左ｄ樣野。

．負責打最頭既，一定要等埋後面既隊友。（今日既失敗之處）
．掩護、火力支援、撒退重組陣形、重新計劃戰略。
．每次行動都要團隊進行，除非指揮叫到如果唔係盡量唔好離隊。（試過離開隊伍既痛苦）
．急＆快係兩回事。（今日終於冇仆低啦）
．體力方面要不停鍛鍊。（要成功咁開啟八門遁甲）

今日好乖，無發脾氣，係唔見左支槍戈下緊張左ｄｄ～粗口全部已用ＸＸ代替，希望遲下連ＸＸ都唔洗用完全唔講就ＶｅｒｙＧｏｏｄ。

多謝大家睇我今次既分享。