戰技(個人技術)之前講過，在此唔再討論。今次集中講戰術，戰術唔等於隊形，戰術係一種方法，一種希望達到某個目的O既手段。戰術有好多種演繹O既方法，其中一種就係隊形。隊形係我眼中係一種好強O既力量。一隊有良好隊形O既隊伍可以演繹到好多唔同O既戰術。隊伍本身都會比較長命百歲。但係一隊無隊形O既隊伍只係一班朋友一齊打GAME，作一個團隊名就算。到最後好多依D咁O既隊伍都會解散。點解呢?我覺得就係玩家本身O既心態。好多人打GAME都係受電影O既影響，因為係電影入面O既軍人比人一種打不死、英雄O既感覺。佢地往往就算一人身處敵陣都可以殺晒全部人安全完成任務，所以好多GAME友都認為自己係萬人敵、打不死。就正正係依一種想法，令到佢地覺得隊形唔重要，最緊要型。結果成隊隊伍屢敗屢戰，再敗再戰，越打越無心機，越打越互相指責對方不是，最後解散。所以有好O既隊形唔單止係戰場上增加勝利O既機會，仲可以起到團結隊員O既作用。
講完隊形O既重要性之後，就踏踏實實咁講下我地SBSH O既隊形。希望大家對下面張圖有D記憶，老實講如果你地真係唔記得我真係要打下你地個頭!
係依張圖入面你地見到依個隊形係以5個隊員組成一隊，但實際上可以分開為攻擊組同防守組兩組人。A，B，C係攻擊組；D，E係防守組。攻擊組負責起全部攻擊部分，可以講係有前無後打死把就。防守組負責指揮、支援、協調同埋防守，係隊伍中Ｏ既最後防線。有一樣野想提一提大家，一個英文字唔一定係等於一個人，例如可以有兩個人同時做Ｂ要做O既野，三個人做Ｃ黎進攻。成個隊形可以做到多變同靈活。
實戰方面，我地通常遇到O既地形有山、平原、叢林、室內幾種。
山:打上落山戰時，隊形O既作用不大，但英文字所表示O既工作係一樣生效，B一樣要做COVER、C一樣要打側擊如此類推。重點在於打C位O既人上唔上到山或落唔落到山，如果上山成功O既話勝算有90%，唔成功只好靠A位O既人或者再派人打C位，但因為小路比敵方發現，進攻困難增加，所以勝算50%以下。如果落山成功O既話，其他攻擊隊員快速攻落山與C合力殺敵，勝算有99%；唔成功就死守山頂，到時只好靠D同E，勝算都有60%。
平原:平原可以講係一個將隊形發揮到最淋漓盡致O既地方，全部情況只要照隊形O既工作進行就會有80-90%勝算。重點在於兩個字:快、狠。
叢林:叢林因為多COVER多盲點，所以進攻上要比較小心。建議D及E隊員先搵一個有良好防守條件O既地方防守及設立成基地。攻擊小組ABC盡量靠右邊O既戰區邊緣行動(右邊對自己O既靈活性強)，搵出敵軍及將其消滅。當攻擊小組有危險或走散時可以返回基地重組。防守小組要堅守防線，中斷敵軍逃走路線，等待攻擊小組回應再前後夾攻。防守小隊注意重點:生存及成功阻止敵軍前進。攻擊小隊重點:消滅敵人及成功繞道敵方後面。
室內:由於我本人都唔係太熟，室內建議2人一組行動再因應情況行事。
各隊員必須完全清楚隊中ABCDE各負責工作，以便實戰時根據情況隊員間互相轉換位置。
沒有留言:
張貼留言