泥濘大作戰

好開心有GAME打，唔開心落雨泥地變泥濘。
難道沒練習太耐，感覺都追不回來？　其實都唔係，感覺仍然係度

車場都輕鬆打熱身，但路上陷阱四伏都唔夠亂走，兩場都泥足深陷，一踩左落去連成對Boot都係泥，深度係直到小腿位置。因為呢d問題戰意已經減低。

但好好彩戰壕場受損程度冇咁嚴重有番作戰意識啦，我都係打番d專長位置攻擊、潛行工作，大部份發揮都KEEP到水準。咁帶過下「現稱C隊」，其實你地既進步好快，重點係你地肯聽講同有勇氣去試去做，呢個值得一讚。 在我角度黎講，只要有勇氣的話響我心中你地就已經係會加分，所以你地要做一D新嘗試既時候就唔好怕，試左先，其實你地係做到既，俾信心自己，多加思考就會成功。

MG講到要多搵COVER & 搵人做潛行，首先當時MG主持大局當然不能上前，呢個時候C隊既隊員係時候要搵番自己既位置屬於邊度，由於C隊既進行速度有如當年組成B隊既時候，咁C隊每一個人就要清楚自己既位置打乜野位。

當提及到戰隊位置相信大家都記得我地SBSH所稱既「鑽石陣」同清楚ABCDE位置係需要做D乜。唔記得既再一次提提大家

A位 = 正面突襲、引火工作
B位 = 掩護射擊、偵測敵軍進擊部隊
C位 = 潛行、側擊敵軍、奇襲部隊
D位 = 指揮作戰流程、人手調配、支援工作
E位 = 最後防線、埋伏並保護攻擊部隊的大後方是安全

最簡單自身於B隊咁以B TEAM為例
其實ABC位既人係可以隨時調動，有幾個位都已經熟悉都可以打，但係要先清楚分好自己響人齊既時候要打乜野位
當然有時要身兼多職

A位 = MG
B位 = ER
C位 = KO
D位 = MG
E位 = NC , SU

MG佢擁有洞悉全場觀以大局為重既分析能力，正面突襲、引火能力都好利害。
ER佢擁有最佳既掩護射擊裝備、偵測能力及支援，掩護射擊能力方面絕對唔會輸俾任何人。
我擁有幾時都會想攻擊既心態，進攻分析能力，就算單人都有能夠絕地反擊既機會。
NC佢擁有精準既武器以及射擊技術，善於一槍擊殺的人保護後方的工作。
SU佢擁有既耐性及防守知識往往能夠出人意表，尋找埋伏地點絕對一流。

當然我以上所講既係誇張左XD，但係而佢地真係有D咁既能力。

所以C隊既同學快D搵番番屬於自己既特點去開發自己應該所打既位置，若果搵唔到可以尋求我地幫你地發掘下你地既位置會係邊度。