聽聞蘇哥打埋今場Game就會休息一排，願蘇哥早日回來。
1場(會當凌絕頂 一覽眾山小 光明頂)(山下攻山頂): 由於搞手要求將大家朋友分開一半作為公平之作，頭三戰都係只守唔攻唔過半場，一開始例牌進攻小隊響左邊上去半場，打打下就分道揚鑣，我、蘇哥、龍，落番後邊同隊友會合，再上前潛行睇下有冇得阻止敵軍既潛行部隊，行到一半同敵軍交戰，我同另一位師兄阿叔一齊死，呢個時侯我感覺到眼角位痛，摸一摸流血！！仲okay多，我冇鬧爆佢之餘仲算啦算啦算啦咁樣-_-...只係要求check多次槍，我本來想打埋第二場，但監場導師建議我先番去休息同做下急救，所以第二場「光明頂」我係冇打既。
3場直升機(直升機起點攻空地起點): 我最右邊做防守，同NC不停對射，今場冇乜特別都係守守守。
4場直升機(空地起點攻直升機起點): 打中間偏右，打左陣拉鋸戰，Tommy 德a叫我試下響最右邊邊潛，潛到差唔多過半場阿廷又係直升機度射過黎，所以潛行不能，跟住到左中間幫手，但作用唔大，又係守到最後完場end game。
食飯~~食炒飯~~我老喇!!!而家一盒飯我食唔哂!!!
5場警車場(大樹起點攻警車起點): 快搶半場中間位置守右，守到咁上下另作潛行時俾敵軍伏擊成功。
6場警車場(警車起點攻大樹起點): 一樣快搶半場中間位置守右，但俾人禁死左一個cover位德a們cover我上前，之後特登碌地沙咁過去，(小插曲)戈位叫田既師兄呢~話我響前一個cover戈時唔認死，為左立即澄清所以戈下係有d嬲要爆，好喇咁我立即鞠躬道歉，出番場區私底下已經溝通左和解)。
7場警車場(大樹起點攻警車起點): 速攻搶半場左邊，打左右邊警車一個落黎，然後再俾人射手死左。
8場貨櫃場(貨櫃起點攻空地起點): 右邊進擊，過半場我同蘇哥守，tommy 德a進攻，我同蘇哥知道有人兜後即刻反應去睇，但都唔知佢潛左去邊，到最後我都係俾人殺左。
9場貨櫃場油筒場混合(空地起點攻貨櫃起點): 直殺中間貨櫃，交戰幾次，隨後同TOMMY上貨櫃試下打D埋伏既人，可惜打唔到，跟住落番去再響右邊交戰，但當廷大叫有人兜後我就試試兜番佢地後，當然見唔到佢，我俾人殺，再一小插曲，條友又係話我唔認死，佢第四槍先打得中我又話我唔認死，此時此刻又怒了一點點。嘛，經過德A的一番教導又正常了。
10場貨櫃場(貨櫃起點攻空地起點): 一樣主手攻擊，慢慢包底，包到底但阿廷好似醒左我包佢唔到然後俾第二個殺左。Today 係咁多!!!
成個復活節假生日飯食哂之後戈個星期都病左，開始好轉戈陣又落雨，而家好番天先有機會做運動，所以今日體力上有小小唔係好得，胃都有D唔舒服，BUT好快冇事。
報告完畢
沒有留言:
張貼留言