由於我地SBSH Xbox作戰群之中，有成員資金唔太充足，無可能可以係短時間內入手太多遊戲，亦有成員覺得無必要咁快入晒d game，而係10月經已步入勁game大作出台o既高峰期，所以今次大家要做一個好重要o既決定，就係「MOH」同「COD7」兩者之中最先買邊隻，等大家都有一個共識，可以係玩o既時候集合到最多人係同一隻game之中。
今次講o既係「MOH」，「MOH」系列最新作品並且已經係10月12日正式發售。背景主要講美軍與阿富汗恐怖份子之間o既戰爭。
遊戲介面從以下片段中睇到應該同大家所熟悉o既「COD」介面分別不大，所以SBHS Xbox作戰群成員應該唔會感到陌生。而「MOH」同「COD」最大分別莫過於「MOH」係可以運用坦克，多功能步兵車，直昇機等協助戰鬥。可以令戰鬥層面由單純o既「CS式」技術戰變成更加立體o既「戰略取勝」。
從客觀角度睇「MOH」同「COD」兩隻Game，我自己會有以下分析:
價錢:
「MOH」出面賣緊$299
「COD」以一貫價錢估價$3xx
耐玩度(全世界):
「MOH」之前未出過所以情況未明，但由於佢多人模式有對人同做任務(對電腦)兩種所以會有一定保證。
「COD」由於上3集都屬於耐玩之作，所以相信點都會有慣性支持，如果你唔厭的話應該打成年都有人同你玩。
新鮮感:
「MOH」由於背景係講阿富汗戰爭所以會令我自己有更大興趣，而且有多人任務模式，係之前BF之中都有出依一隻模式而且對我地一眾有玩o既都覺得非常唔錯，所以的確係令我期待。
「COD」用越戰同冷戰做背景，雖然背景有所改變但係相信都只係「同一隻橙汁轉包裝」，不過有返「COD5」中O既活死人模式都叫做有d感覺，不過從新鮮感而言絕對係唔合格。
畫面:
「MOH」有一定水準，至於好唔好就每人感觀唔同。
「COD」以佢前果幾集黎睇，畫面一向都係幾高水準，相信只講畫面的話「COD」應該高一線。
總括黎講我自己就比較偏向「MOH」，因為一黎佢依家出左但「COD」未出(11月出)。二黎玩法多花款好多，多左多人任務同有得用坦克果D就已經多好多玩法。三黎「COD」一定過左一排都仲有大把人玩，所以唔需要擔心會過左一排無人玩，而「MOH」由於之前無數據參考，穩陣起見玩先無壞。最後，雖然只係差少少，一過價錢都係平「COD」少少，起碼琴日睇到佢都未有抄價。
以下有幾段片比大家參考，我會開一個投票比大家:
單人遊戲時畫面
「重要目標」多人連線遊戲
「折翼天使」多人連線任務
「攻擊者」直昇機單人任務
IGN簡介(有中文字幕)
Gamespot簡介(有中文字幕)
沒有留言:
張貼留言