我心目中最理想o既球隊係利用巴塞隆納改造，其實現今巴塞隆納前線實力經已好強，我作出o既調動只係將佢變得更強更完善同埋加強整體防守能力，而依隊人馬我經已係勝利2010之中試驗過，踢左20場入5x球失2球。
基本隊形結構:巴塞隆納
球員分析:
前鋒:
(9)朗尼:佢實力係點大家好明白，能傳善射。用佢最主要係因為佢非常勤力，會經常回防而且會比對方後方球員好大壓力。
(7)阿古路:極快速同埋擁有一流帶球能力，可以與美斯二人將球帶到對方心臟地帶或者製造入球。
(10)美斯:又華又實o既球王。
(19)賓施馬:身型高大而且體力極佳o既前鋒球員，用作補助(9)(7)(10)身材不高o既短處。
(17)古積特:可以擔任中前場大部份位置，可以充當自由人角色，帶動全場。
中場:
(6)沙維:可以用球場藝術家黎形容佢，傳球準確，護球能力極高，可以有效控制球賽節奏。
(23)雲達華治:天才中場指揮官，雖然上季一直被皇馬投閒置散，但出場時依然不停埋門及製造進攻，全能型中場球員。
(13)朴智星:可以擔任中前場大部份位置，可以充當自由人角色，帶動全場。
(8)舒韋恩斯迪加:德國國家隊重心球員之一，可以擔任中場所有位置，近期出演防中更有意外驚喜。
(25)迪莊:荷蘭國家隊防中，體力型球員，中後場搶截能力高。
(15)艾辛:加納國家隊重心球員，防守能力極高，而且間中亦會上前助攻。
(14)馬斯查蘭奴:亦屬高效型防中，防守能力極高，可以減輕後防負擔。
後防:
(4)沙治奧拉莫斯:進攻能力分分鐘高於防守能力，腳下功夫不俗，可以帶球推進助攻。
(2)馬干:當今後閘球員如果馬干係第二，相信無人係第一，攻守平衡。
(11)雲達韋爾:荷蘭國家隊新晉新星，右閘球員，防守能力不俗，年輕，可作長遠發展。
(22)大衛辛頓:亦係一位閃爍新星，可以負責左右兩閘位置，年輕，可作長遠發展。
(5)佩奧爾:巴塞隆納隊長，球隊精神領袖，經驗老到。
(3)碧基:身材高大，防守能力高及制空能力不俗，可以用作高空轟炸，而且與佩奧爾合拍。
(12)華美倫:防守球員，作風穩固。
(16)基阿連尼:意大利防守線上唯一希望。
龍門:
(1)施治:年紀尚輕，可以長線投資，而且效能不俗，反應快。
(20)Hart:唔知佢中文點譯，年輕，身型高大。
沒有留言:
張貼留言