沒有牆的SBSH

今日點解突然會同大家分享呢...就係因為今日開完試戈陣我上左教員室搵司令...我中文戈方面唔得...所以司令建議我幾日咁就打d文章出黎...一黎練下我諗野方面...另外就可以同大家多d分享我自己覺得既野...

今日分享既就係沒有牆的SBSH..點解會有咁既題目呢..就係來自地鐵站既一個廣告板...沒有牆的世界...我冇細心咁諗過戈個沒有牆的世界係D乜野黎...
但係番屋企路上我就竟然諗到沒有牆的SBSH...
雖然我加入左SBSH岩岩好半年...但係就已經同大家做左好朋友...又或者可能當埋係屋企人...
因為初初我入黎呢個War Game學會..只係諗住參加下玩過下就算數..當初係連槍都唔諗住買..
但係玩落上左引..但係經過幾次既聚會..令到我鐘意左War Game呢個學會..
初頭真係以為就咁學會就算..點知後期發覺..定時定侯會出黎食飯..大家一齊買野傾計..
我覺得好開心..因為我自己都係d鐘意出黎食飯傾計既人黎既..所以任何聚會.WarGame活動.食飯活動.我都出齊哂黎.
所以我覺得自己同你地已經係冇隔膜...我乜野都會同你地講..升學又好..屋企既事又好..乜都好啦..我都會同你地講..而你地而肯聽我講同俾意見我..所以我覺得SBSH真係一個非常之好既學會.唔係學會了..係一班好朋友好戰友..
入左SBSH 我覺得自己成長左小小..之前我對我既前途係完全唔會理..剩係識到時先諗啦..但係聽到司令,德A,So哥,雞子,Tommy之下既鼓勵.我成功搵出自己既升學大概係電影科同經濟科..
不過好多野我自己係發掘唔到...所以我希望各位SBSH既朋友們可以睇下我有d乜野叻既,專長,就可以提點下我..因為到而家我仲係覺得自己冇野叻..所以..各位以後就真係要多d指教下我Ko小弟.

　　　　　　　　　　　　　　　　　　　多謝各位