SBSH第一代門生成長歷程(PART TWO)

萬眾期待o既SBSH第一代門生成長歷程(PART TWO)終於都推出喇，今次為大家送上我地o既炮台-雞子。
講係雞子其實本人對佢真係又愛又恨:

愛- 係愛佢o既超強責任感、服從、認真同埋打wargame有佢係後面就比到一種唔洗擔心被敵方從後偷襲o既安心。

恨- 係恨佢成日亂買野，團體合作意識未夠。成日擔心佢會步G(唔講名，大家知就算)後塵，變成一個樣就勁打落就廢o既所謂高手。

但係睇到佢由第一次參加聚會到依家個一種意思同性格上o既改變，真係令到John、我同SO都好安慰同放心，相比起Tommy個種一開始打game就快速成長，雞子絕對係一個靠自己努力一步一步進步而令到隊友信任佢o既game友，都係各位兄弟學習o既一個好榜樣，希望佢依家係IVE會努力學習!

依張相係佢第二次黎o既時候影，係第一次聚會之後佢就已經買左一把M14返黎玩，顯示出佢想打WARGAME果種決心，當然有時都會提出一d無聊問題激到我死死地喇

睇下佢o既舉槍姿態，應該係係網上或者電影上看返黎，依個都係其中一種學到野o既方法，未必一定係正確，但總比唔練習o既好
同Tommy一樣，訓練時相當認真
就算係做專注訓練都係一樣，作為一個主力防守o既隊員，專注係好重要o既一環
同Tommy同期出度跟我地出去打game，初時o既佢仲未可以搵到自己所專長o既位置
接觸左真正戰鬥後，自知移動能力同體力不足o既雞子決心要專心於後方防務，所以不停訓練射術
憑藉雞子果種對wargame o既熱誠，雞子成為SBSH Team A成員之一
組成SBSH Team A後，不斷進步o既雞子係埋伏同射擊準繩度都提高左好多
入隊後o既雞子唔單止wargame，係對人對事o既態度上都開始步向成熟
經過一段時間o既磨練，雞子打法上進化成一種我成日所講o既炮台，意思就好似係一個放置係邊度，佢就會自動防衛前方180度o既機槍堡壘咁
做型方面都同一個成熟game友差不多 雞子另一個特點就係多口水，好容易可以同其他game友傾埋
隊中第一個對槍械進行迷彩化o既人，而且效果唔錯

能夠長時間留守係後方保護前方隊員

隱藏能力無庸致疑

專注一樣野o既好處就係你只需集中火力同財力於一點上，雞子有辦你睇

完