今次79反擊戰大家都對CQB作戰有左初步O既認識同體驗，我今次都想KEEP返係每次大戰後對戰事留返幾句作戰後檢討之用。
今次我覺得A Team隊員打得到快依個效果，但係我就覺到我地今次快得黎有少少自己打自己，少左一D合作性，雖然有幾場都合作得幾好，但係始終都係唔夠。其中有一個地方我想講一講，就係攻擊小隊同DE位成員難以溝通或者可以講係無交流，有幾場攻擊小組需要搵雞子或其他防守隊友O既時候都係搵唔到，可以話係死晒之後先可以搵到佢地，做唔到支援效果。希望大家一齊再努力D勇猛D!仲有問題睇到希望各位提供。
而C Team隊員(廷果隊)，雖然無同過你地一隊但係都睇到你地一D問題，其中一個好大好大O既問題就係唔夠快唔夠主動，依樣野真係有D失望。同你地打果陣時係得毛毛同GARY對我地有少少威脅，好老實講就係你地成班人係開始點無咩點走過，依個係一個比較大O既問題，我地都講過打平面戰最緊要就係要快要狠!但係係戰事中同你地對戰果時我地跑左成大半個場先遇到你地O既前線部隊。。。可以講就係如果搞掂毛毛同GARY基本上就等於完得場。希望你地記住我地SBSH打GAME，唔理係咩野GAME都好，我地都係要快要狠，我地往往就係要成為全場GAME度行得最前打得最勇猛O既一群，唔係搵到一個位之後就企係度等人黎，依種戰鬥方式係我唔太希望見到。我自己都好希望你地可以KEEP住依一個作戰方式。我睇到你地當中有一D人都有依一種潛質，希望你地可以由戰鬥經驗之中克服恐懼同埋有所進步成為我地A隊O既成員。
最後各位努力D，你9月戰谷混戰之中有更好O既表現，相信自己同你O既隊友，SBSH萬歲!!!!!!!!!!!!!!!!
沒有留言:
張貼留言