ASSEMBLE THE ARMY!

下學期第一次聚會詳情如下︰

日期︰3月1日(日)
時間︰上午10時正
地點︰502室
內容︰小隊進攻

必須攜帶護目鏡出席。

2月22日活動照片

今日我地去左一個好接近將軍澳O既場打...依個場好大好正好易去又無人...有CQB又有林...真係正果唔少GAME場...我方今日表現唔錯...大部份時間掌握控制權...又有強伯(一個好勁O既德軍)同其他隊友O既協助簡直如虎加隻翼...我相信我地可以用佢黎做訓練場地...好...去相場地
場地

今日表現唔錯O既雞子...防守比之前更成熟...一個人守後夠晒

Tommy係依場一場以1殺6...勁

又有最佳做型

又1強人阿叔

強伯係最右手邊對鏡頭笑果位

(有9年經驗...同細佬組成一隊好強O既德軍部隊...大蛇叔之後另一個小弟敬佩O既人...真係好勁!)

2月22日私下GAME時間(更新)

由於黃司令無法出席聽日O既訓練行動.....所以聽日會變成真實戰爭...時間變成8:30彩虹等...有咩打比我:95127336...各位...goodluck

NAVY SEAL SNIPER

希望大家睇sniper之餘睇睇人地小隊係叢林度係點樣小隊行走同企位係點.......

我真係世估唔到.....蝙蝠俠係佢.........

2月22日私下GAME

有無人去~!!!!!!!星期三前夠10個GAME友以上(連埋我地)就成行~!!!!!!有興趣就留言~!!!!!!

我軍暫時出戰者(去O既我會打係度):

1.JOHN

2.WAI

3.TOMMY

4.SO

5.雞子

6.叉

7.廷

這種玩法好像不錯呢......

軍醫制

只有打中要害先至算一槍死~其他部位,當係中槍~TEAMMATE可以叫軍醫將爬山扣扣喺你個身度~
之後可以再作戰,但扣左3個爬山扣就算打中唔係要害嘅地方都一樣即死,做軍醫既隊友責任都幾大,一場game大約帶21個爬山扣左右~供全隊8人用(有時會係2隊,16人2位軍醫)~而且關係到全隊生死~

集結號II之食飯號!正式回歸!

SBSH獨二師是次受命到中國下方進行一項阻擊戰任務總司令黃司令下令,
以食飯號作為撤退的號令,只要食飯號不吹,全軍必須堅持到最後一刻!
十一名勇士奮力廝殺,其中以平原狙擊戰,空降物資搶奪戰最為後人歌頌,
我軍在平原狙擊戰大獲全勝,在戰事中,我和德同志,tommy同志獲得特別任務,
暗殺敵軍的首令,我三人立即動身上路,so同志和黃司令帶同兄弟們攻擊敵軍的要
點令他們只會知道我軍的主要攻勢,不知道我們的暗殺部隊,結果,
我們出色的戰略成功了,三人不受任何傷害就把他們首領的腦袋摘下,
敵軍看到自己的頭目死亡,他們怕得像老鼠的四方走避我把瞄準鏡指向一人,
他"啊"的一叫,就倒下了,tommy同志道:嘿,做得好!
我的一槍把敵人的腦袋摘下換來了這場戰事的結束,
我軍沒有傷亡 休息了一天,這隊萬念俱灰的隊伍重新想攻擊,可惜,
只是強弩之末,我軍的空降物資有錯誤的降落落在我軍和敵人的中間,
我道:x!為什麼會這樣!,只見敵人想把物資搶走,我軍的跑手一號,
so同志想一口氣跑去,之後回來,黃司令說,不可以!德同志說:只要一句我就同你殺上去!
之後他們同聲說,你!給我好好的瞄,給我好好的把他們的頭顱掉在地上!
我說,好,你們要答應我一個都不能小!在這時候,tommy同志掩護2位我的好同志,
好兄弟上路,我在山上見到了敵人那麼沒同的狙擊手正在瞄準tommy同志的腦袋,
在千鈞一髮之際,我扣動扳機,打中了敵狙擊手的頭,立即血流如注,
之後他們用群狼戰術,黃司令立即引爆早就埋下的地雷,掩護了我軍,
同時把那群狼戰術立即消滅我道,嘩!這一個真是好戰術,
好比諸葛亮先生的火燒連環船,我目睹一個人在火爐沖了出去,
身上的手榴彈把他炸得血肉橫飛,只見我軍三位同志跑過火燄的,
只見so同志手中多了一個盒子,敵軍給我們打敗了,我們打開了盒子
,只看到了一張字條,寫上"食飯號已經吹了,你們可以回家了!"

生舊叉燒好過生你

以下是我在2009年2月6 日為中五畢業生所舉辦的升學講座中的分享︰

「你細個有9成9似你個仔。」我父親對我說。

因為這個原因，我就把小時候滿月的照片從牀下底找出來。在回味兒時照片的同時，令我想起母親以前的一句口頭禪︰「生你生得咁辛苦，生舊叉燒好過生你！」

「有冇咁跨張？！」兒時的我心道。

可能當時沒有甚麼體會，以為這只是母親的誨氣說話，或是激將法要我生性做人之類。直至到我老婆要生BB時，我才真正「明白」這句話的意思。

「我生BB時，你會陪我生嗎？」我老婆問道。見我支支吾吾，她笑著說︰「睇來你都唔會陪我啦！你抽小小血都叫頭暈！」

就是因為這招以退為進，我只好應承，但心中卻說︰「到時先算啦…」

然而，因為母親是護士的關係，我不但不能「到時先算」，反而比一般「陪產」的男仕早了足足八小時入到產房。換言之，比一般男仕，有多八小時的體會。

第一種體會就是痛。我在電視上見到「作動」的女演員們都只好像攪肚痛，雖然聽聞若女仕們經痛是「一級痛」的話，生育過程就是「十級痛」。但是，我又不是女性，不曾嚐過經痛的滋味，當然不知道甚麼是「十級痛」了。

「呀呀呀呀呀呀呀呀呀呀呀呀呀呀呀呀呀呀呀呀呀呀呀呀~！」聽見在我老婆鄰牀的女仕的叫聲。若要我這樣叫才能減少痛楚的感覺，恐怕要把我的肚皮慢慢撕裂。我終於都知道甚麼是「十級痛」了。

「咁只六至七級啦，真係生得果陣，會重痛。」我母親補充道。那個原意是好的，好讓人有多些心理準備。可是越是知道得多，擔心會更多。

甚麼「臍帶纏頸」、「出血過多」、「胎水混濁」、「BB心跳過快／過慢」、「開刀風險」等等，沒有一項不是「大鑊」、沒有一個問題不是足以致命，沒有一樣的情況不是叫人更擔心。

「生舊叉燒好過生你」的真正意思，並不是生舊叉燒都可以填飽肚子，更不是叉燒比自己的仔女更有用。而是，人能平平安安地出生，其實是毫不簡單。

甚至可以說是一項「奇蹟」了。

為甚麼要分享這麼一個體驗給將要離開學校的中五同學？因為我時常聽見有同學會說︰「要我考到會考，怎麼有可能？」、「上得到高級文憑？除非是奇蹟啦！」

其實，可否換一個角度去想︰「最大、最困難、最沒可能的事，我都能做得到──能夠平平安安的生存到現在──為甚麼考好會考這些小奇蹟卻無法實現呢？」

沒錯，只要你肯堅持，沒有甚麼事情你是做不來的。

P.S. 「生舊叉燒好過生你」－－也SBSH的一種態度。

賀歲片第2擊！《Scared Witness目擊證人》

得閒整下相....

下次再整多幾張....大家幫手影多D好相~!!!!

賀歲片。《新科學怪人！》

無野講，去片！

通訊兵加醫護兵參上

一個唔關事既野

個個都打野我無理由唔打o既~!!

雖然聽日我就會返黎香港...但係今日一上依個網就比我見到john同so兩位都打左咁多字...我心諗我無理由唔打返幾隻字出黎比大家睇睇o既!但係我打野又無john佢咁有文學修養...又唔想同so一樣講感想(大家睇左佢o既都唔想又睇我講d差唔多o既野嫁!)...咁我就想同大家分享下我自己打wargame o既一d個人經驗...

我仲記得我自己係中三開始接觸wargame依一樣野...一開始玩果陣我就同大家一樣...咩野都唔知...新仔落場...緊係淆底淆到飛起喇!果時分分鐘仲淆過你地...行又唔敢行太前...驚比人射...因為果時未慣比人打中o既感覺,因為果時出去打game一打就底中以上,自己就得原裝...果陣就好似你地咁成日覺得唔公平...有時自己人死晒仲慘...比人圍住黎打...到自己玩多左幾場...又唔夠經驗...人地話咩野裝備有用就買都無諗下係唔係真係自己需要...結果又要拎住一大堆無用o既野落場打game...結果緊係比人打到飛起喇~!真係用左幾多無謂錢...當時wargame係香港仲未好似依家咁咁廣泛咁容易就接觸到...一玩親槍你無2千蚊你都落唔到場玩...唔似得依家一把大陸野電又有充機又有咁好!比錢場果時都未係太多人去玩...個個都係去打街場(一黎唔駛錢...二黎無王管任玩無人理,唔似依家咁)...

當時我打wargame果陣有一個成日都撞到o既game友叫左大蛇叔,佢次次出黎玩都總有三四個朋友一齊玩...我果時都唔係太明白點解啊大蛇叔成日都係幾個黎...仲要次次都比佢打到無得還手,打之前又分好晒兩隊差唔多人...我地又係咁多人佢地又係咁多人...點解就係成日都死得咁慘!到左依家就緊係明喇...人地大蛇叔同佢果幾個朋友打左咁耐...大家都有晒默契...知道大家想點...有計劃...有組織...咁我地緊係死喇...依樣就係我依家打wargame果陣第一樣注意o既野...就係團隊合作...我個人認為每一場wargame都係要有組織有合作先至可以得到勝利...邊個死左邊個未死...邊個殺得多d人邊個無殺過人...一d都唔重要...重點係我地整體發揮得好唔好...

我個人認為團隊合作精神最重要係要有依幾點:

1. 
   
   有分工
2. 
   
   服從
3. 
   
   有溝通
4. 
   
   有效率

就用我地依隊人打果陣黎做例子...我地當然唔係最好,但係我都想同大家分享下...首先wargame未開始之前john會分析我地應該點樣去打邊d人去咩位邊d人負責攻擊之類o既野依d就係分工(john負責指揮,我同so負責突擊,tommy負責偷襲同埋支援,雞子負責後方防守),但係係分工o既同時,我地負責執行o既就一定要服從...咩野叫服從呢...就je係話大家要照計劃進行,唔可以打打下完全唔理成個plan,你要知道你死左或者唔跟指示做唔係你一個人o既事...可能就係你累死全team人...就好似john果度講咁...攻山果陣如果係最後5分鐘有三路夾攻...基本上要完成任務係無問題...當係就係因為係攻山o既時候得兩邊攻擊而任務失敗...所以記住服從命令o既重要性, 但係果次任務失敗o既原因其實係可以避免...因為負責第3邊側擊o既xo同埋毛毛係無對講機同我地對話...當一開始o既時候一走開左...佢地就同我地完全無晒溝通導致果場o既任務失敗...試諗下如果當日佢地兩個係有對講機o既話...我地就可以知道佢地o既情況而作出相應o既改變...戰果就有可能會唔同...雖然果一場可以話係我地戰敗...但係其實我地兩邊攻擊都幾乎可以將敵軍殺清光...就係因為我地都可以係5分鐘前唔比敵人發現下到達到進攻地點...依d就係效率...而可以提升效率o既方法就係多練習...只要多練習...做出黎自然會更好更流暢...

如果你覺得你做到我上面打o既團體合作o既時候...你就可以睇落去...我會係度講講我係wargame場上執行其中兩樣成日做o既任務時候o既做法:

突擊

我首先講講我比較善長o既突擊(陽攻)先...我個人認為當你係場上做攻擊o既角色o既時候你一定要夠勇...勇同死衝係兩樣野黎...勇係當你殺上去o既時候你知道自己係有後路走,唔會一殺出去一定會死果d叫勇...so sir果隻同我講o既勇唔同(佢係死衝)依d遲d再講...講返勇先...我覺得兩個人一齊殺出去o既時候係最好...當你打上去o既時候你o既拍擋就係你o既保命符...你地兩個要互相cover...記住!打得出去就唔好怕死...唔好停係唔應該停o既地方...咩野地方叫唔應該呢...就係無cover或者保護唔到拍擋o既地方...因為你停左係你唔應該停o既地方o既話...你個拍擋係會死o既...你同佢兩個打上去佢死左你都唔會長命...所以你同你o既拍擋係要有默契先可以做到突擊o既效果...但係有時你未必可以有兩個人一齊上咁好...可能有時你需要一個人進行突擊...係之前你要有幾樣野要知...你知道你前方有幾多敵人但對方唔知你係邊...你唔可以係敵人太遠(你出到黎佢都可以慢慢回返神黎射你)...你知道前方環境(有cover)je係後路,當你發覺自己突擊失敗可以留係一個安全o既cover度避下...我自己仲有一個情況下會用突擊...就係同對方對射果陣佢向後徹或者走入cover...依兩種情況都係佢見唔到你...咁我就會上前食左佢...不過新手唔好試...你地會中招...

埋伏

之後係潛行...je係唔比人知o既情況下向敵方逼近或者走到有利自己o既位置...當做依樣野o既時候我會將潛行放係第一位,保護自己第二,殺敵第三...我會將注意力放係地上面睇下邊一d地下上無或者比較才會發出聲音o既野先行...如果當時有人開槍或者係大風令到d樹陏o既話就可以行快d...因為咁樣可以隱藏你自己o既行蹤...當發現敵人但係你未到安全地方唔射...射左佢人地知道你係邊唔射...未到潛行地點唔射...依3點可以睇實際情況黎決定你開唔開槍...記住...要做到忍到手放生敵人係好難...但如果你做到就je係話你又成長左一d...如果同隊友一齊潛行o既話記住保持距離互相cover...如果唔係一掃你地就一齊死晒...我自己潛行o既心得係咁多...想再了解多d就返學校借本gogogo黎睇...狙擊手果本有講...但係你睇完要自己消化下唔好套晒落wargame度...因為情況唔同...

總括我自己打wargame o既心得就係團隊第一,要你上你就要好勇咁殺,唔好怕死;要你守住就守住...唔好望第二度...用多d對講機...多d同隊伍練習...練多d就死少d...買野唔好買無用o既野,要買真係幫到你增強實力o既野...你唔係打緊機係打緊wargame...相信敵人會叫死...今次就講到依度!!!!多謝你~!!!!!!