山路(內攻外):
得到左對上一次戰役o既經驗，今次決定係戰術上同埋與導師溝通上作出一個幾大o既改變。由於紅隊(J Team)隊中大多數人打法都係我所熟識，一樣有三害(J,T,CB)及伏擊雙子(Xo,Tam)，所以決定以退為進。安排老師們駐守高位設成一條防守線，毛毛、Ko、MG上最高位為老師們清除危險，而我同埋S就負責中路敵人。一開始一跳落一級就失去平行跌低左(返到屋企發現原來見紅了)，之後立即企返係身上前搵cover，到達cover後安排幾位老師再上前少少就被敵人清除左。最後和氣收場，不過轉變打法就得到左少少效果。
山路(外攻內):
眼見對上一場打法有效，決定黎多一次，不過今次地理環境明顯無內攻外咁好可以用高位打壓對手，所以聽取左導師意見(經依一次之後我開始對佢採取聽佢果套自己做另一套方法)由右邊小路攻擊對方，老師們就繼續負責防守。一開game我、Ko、MG走入右邊小路，但入去之後無耐就發現完成唔會有偷襲效果，就係依個時候Ko，MG兩人突然被T殺死，我都立即將T送返去死人區，最後都因為高地優勢被Xo殺死。
鐵桶(內攻外):
場地轉到去一個平原戰，再以上一次戰役比較。上一次進攻路數唔夠，經常以主力成員攻堅容易比對手掌握。事隔幾個月，Ko同MG經已比之前成熟，可以自行負責任務，令我計劃戰術果陣可以作出更多變化，而且老師們非常合作，可以安排佢地拉成一個防守線繼續以退為進，引對方顯露自己弱點(進攻)。結果一開始對方全面進攻我方，S以自己一命換走T，最大收獲係J竟然緊隨T後(比我冷手執個熱煎堆)。係一個咁開揚o既平原上面CB等埋伏者威脅亦都不大，最後我由左邊轉到右邊帶同小強與展鵬上前協助Ko等人清場。
鐵桶(外攻內):
今次決定帶隊進攻，老師們分佈係中路至左邊防守敵人，但最後由於敵方將我地防守線打散左所以最後被敵人消滅。
鐵桶山路插旗戰(插旗隊):
經過幾場戰鬥，對於導師o既搞笑溫馨提示經已完全免疫(林姑等幾名老師似乎都開始有抗體)所以決定將四至五位老師壓去山崖邊形成一個高地火線減少敵人數量，毛毛一個人從右邊落山探路，KOMG二人攻落樓梯駐守以防敵人埋伏(最終多得導師指導KOMG最終無落去，最後令KO被T埋伏搞掂左)。一開始我按照計劃將人員分配好之後叫佢地慢慢等下先等對方戰意消磨，係到做少少解釋等唔明白o既人了解一下:
一般Game友係戰鬥中頭10分鐘內係佢地最有警覺性同紀律性，所以基本上佢地可以嚴格遵守防守命令係頭十分鐘內，十分鐘之後佢地各方面o既感觀就會開始鬆懈而且極有可能會唔遵守命令。
當我係山上開始聽到防守方有人大聲叫「落黎喇!」「好悶啊!」我就知道敵方戰意同紀律都開始出現變化。依個時候我方一部份老師從右路落山，係落山前我同佢地定左一個暗號「救命」，當聽到暗號就衝落敵人陣地突擊。由於KO係較早前被T殺死左，我手頭上可以相信o既就只係得返MG一個，我決定利用中間位置一個山坡。經早前視察之後我覺得係依個位落去可以得到我方最大程度o既保護，再加上經過山崖火線一輸擊殺對方防線經以變得非常稀薄，所以我將旗交左比我身後o既林姑再叫左MG過黎叫佢落去引敵方守備部隊攻擊佢，我再指示山崖火線將敵人收拾就立即大叫「救命」呼喚右邊幾位老師落山再自行落山支援MG，其間將礙事o既T收拾。大好時機，我立即大叫「林姑!旗啊!」林姑立即將旗掉到山坡上我再執起跳落去。誰知旗幟鬆脫，我要一仆一碌(真係仆左一下又碌左一下)先可以將旗執返，最後火力壓制住T哥哥插旗終結戰事食飯。
食飯之後兩場叢林戰用兩個字作為總結就算「晒氣!」
最後SBSH合流與非德軍團隊及3名導師作戰，最終以1勝2敗結束整日戰役。
經過今日之後令SBSH戰術之前一宜存在o既問題再一次表露出黎:
-進攻戰術係人多場細地方效果發揮唔夠理想。
-當敵人有充足cover o既時候好多時可以令到我方攻擊人員損兵折將。
-紀律不足(遵守命令並實行遇到一定困難)。
-個人覺得分小隊方面可以固定小隊，可以有效改善小隊隊員之間默契。
報告完畢!去相!
木村托蘇同我係今日持旗手
滿地落葉
今日參戰老師們(有團隊合作精神!)
向第一個戰場進發!
聽取導師介紹場地
死!
死!
未死!
全場走的T
3名女老師所組成o既防守火線
體育阿SIR，走動最強!
雙狙人
食飯時短暫的非法聚賭
開飯喇!
大合照!
Yeah!
你影我我影你je!
yo!
SBSH事至今日經已有一定陣容!
完
沒有留言:
張貼留言