搬遷啟示

由於銃戰室需於本星期內會遷出701室，故煩請各位約時回校清理於銃戰室內的個人物品(尤其是體積較大的)。謝謝！

0520新雷霆精華

520雷霆戰

520雷霆戰

5月19號當晚歐聯決賽 , 當日抱住一個興奮心情訓教 , 最後係訓左三個鐘 , 精神尚算可以啦 !

1戰鐵板貨櫃(高地起點) : 根據前3戰既必定戰術只做守防唔攻 , 我就一直守住響最右手邊既貨櫃邊位 , 打左兩三個就俾人殺左 .

2戰鐵板貨櫃(低地起點) : 一開始立即飛去右手邊既貨櫃Take Cover , 然後我同德a嘗試慢慢攻上去 , 去到軍車度 同人搏火 , 我同德a都死左 .

3戰鐵板貨櫃(高地起點) : 右方攻擊 , 上前戈陣被人打死左 .
(小小插曲 , 外籍老師Phil耳部受損)

4戰鐵板貨櫃(低地起點) : 4戰可以開始轉攻擊陣 , SBSH常規攻擊小隊迅速上到右手邊中段位置 , 又係搏火俾人殺死 .

Lunch , John因家事早退 , 今次呢餐都幾好 , d菜係好新鮮 , 幾滿意 .

至於5戰本人冇參加 , 因電既問題所以處理左好耐 , 最後舊電係要拎去人道毀滅 .
 ( 下次要買番舊 )

6戰磚場 (低點起點) : 又係走到右邊中段位置 , 德a上前既時侯俾人殺左 , 我諗想係個粒位睇下上面敵人響邊度 , 其實我都想攻上去 , 但係唔清楚敵人位置同埋人地射擊距離都好遠 , 所以唔敢亂衝 , 一直想睇下人地係邊度 , 但望極都係睇唔到正確位置 , 所以就一直停左係度 , 停左好耐 , 打到一半落大雨所以就End左場Game .


完哂場Game之後我同德a講 : 我覺得最近我地既發揮好似冇以前咁淋漓盡致 , 係咪因為次次打親既敵人都係長火唔洗郁所以影響到我地既發揮呢??

*****以下內容並非針對隊內任何人 , 不喜勿插*****

夜晚我走去踢波 , 有個呀叔係波友既爸爸(之後開始稱為「師傅」) , 咁戈位師傅見到我FullGear咁去就同我傾計 . *呢位師傅公司曾經搞過一次WarGAME活動 , 所以都有小小認知*

當時球場落緊大雨 , 避雨戈陣同我傾計 .

師傅 : 年青人 , WarGame 好玩呀 , 好考你既思考同團隊合作 .
我 : 係呀師傅 , 戰術運用方面同溝通較為重要 . 不過而家d人玩WarGame開始唔係太講戰術 .
師傅 : 點解咁講呢年青人 ?
我 : 因為而家好多人都增強支槍既性能 , 可以射到好遠同埋好大力 , 可以由自己起點射到去人地起點度 , 我覺得只係去靠支槍既性能去嬴人地 , 而唔係靠戰術 , 咁樣已經係破壞左WarGame既本質 , 可以射到咁遠咁同射箭靶有乜野分別 ? 射人就只係一個活箭靶 , 咁樣會好玩咩 ?

跟住我繼續同師傅傾計 , 停左雨之後繼續出去踢波 .

*****以下內容純粹個人意見*****

真係好唔鐘意D剩係靠槍去嬴既人 , 可能你既準繩度係好高 , 但係郁都唔郁剩係靠支槍去嬴人 , 咁樣真係好玩咩 ? WarGame唔係應該係以團隊合作同戰術去取勝架咩 ? 全部人剩係識Camp係度攻都唔攻等人黎攻呢d真係WarGame黎架咩 ? 人地唔係好似我地咁只係有兩三場係試人先唔攻喎 , 全日咁多場都唔攻喎 !
一班只係靠槍去取勝既人 , 如果佢地轉去租槍既話 , 應該同垃圾廢人冇分別 .

我終於更加明白「認真去死」既道理 , 無論對住點樣既敵人 , 都需要堂堂正正用戰術同合作去擊破對手 , 就算真係輸左都唔應該覺得灰心 , 雖然表面上你係死左同輸左 , 但係佢地嬴既野只係表面既勝利同槍既性能 , 而我地嬴到既係我地識得思考 , 識得團隊合作 , 所以我覺得我地用戰術合作去嬴同靠槍既性能取勝既人相比之下 , 我覺得我地既得著係多過佢地N倍 .

當我地輸俾呢類人既時侯 , 我地唔應該灰心 , 繼續用合作去嘗試打嬴佢地 . 面對呢D情況 , 都係一種訓練 , 我好希望自己能夠完全通過哂呢D訓練 !

The end of my presentation . Thank you .

0520雷霆

確定參戰人員:J, W, T(x4), KO,外藉SIR

20/5/2012 雷霆會wargame集合時間
請各朋友轉寄下列文字給每一位隊友.
此次活動以個人參與,需注意個人安全及小心財物，如有任何意外及財物損失 責任自負. WARGAME 屬高風險活動, 如有需要自購保險.
乘搭旅遊巴: 09:00    於 旺角 廣華街 7-11 旁空地等(S3對面)
                      09:15    出發,  逾時不候

私家車入去的話: 沙頭角塘肚村30G,村口有警衛可查問方向
或 上水火車站旁 乘55k小巴, 沙頭角塘肚村 村口落,村口有警衛可查問方向
 
10:00前到達目的地,到達場時話係 ronald cheng 朋友

火力: 所有玩具槍原裝至2面罐,不可穿罐底(大烈都ok),即BB彈不可完全進入罐內 ,會不定期驗槍。
並以測速機輔助,以本人之測速機計算, 0.2g珠，如超越 1.38j已超標,
數值如有曾議,將以普通氣水罐為準。(唔好同我們說現在的氣水罐 厚左薄左...)
如過火,請自費租槍,測試後穿上色帶辨認, 
 
PTW系統並會另加膠紙於上下身之間記認。
請特別留意,個別國狗 或 G&P 新槍,出廠威力已超越上述標準。
出發當天 跟據該場地之備注:
如香港天文台發出8號或以上熱帶氣旋警告或紅/黑雨警告,所有活動將會取消,
其他情況如期進行wargame。
(由於當期時本人手機將十分繁忙,請提早到達)
@@ 必需帶備雨具 @@

《The Avengers》︰如何建立精英團隊

「頭個幾鐘頭都唔知做乜，太多文場戲。到最尾二十分鐘才好睇D。」出發看《復仇者聯盟》前，有一位同事如此說。

我沒有看過《鐵甲奇俠》、《變形俠醫》，甚至《雷神奇俠》、《美國隊長》……那就是說，我絕對不可能用一個粉絲的角度看待《復仇者聯盟》。

然而，在電影頭個幾鐘，我不覺得悶，反而覺得比後段打打打打打打更好看。

那是因為我身同感受──神盾局局長的苦心。

要把眾多「超級英雄」放在一起，絕不是一件容易的事。話明是「超級英雄」，每個人都有自己獨特的個性，更重要的是個個都能獨當一面，要他們合作，難若登天。

Tony Stark (Ironman) 雖然才智過人，但自命不凡，說話輕佻浮躁，常在同伴之間引起爭端；Steve Roger (Captain America) 擁有領導才能，但冰封七十年後覺得與世界脫節，產生無謂的自卑；Thor 慈悲心重，但正由於感情用事，判斷時常失準；Bruce Banner (Hulk) 謙恭有禮，但時常失控，甚至危及隊友；Clint Barton (Hawkeye) 忠心不二，但性格孤癖，不合群。

看罷我身同感受，因為現在的SBSH就是The Avengers。

W機智聰明，但有時說話容易挑起眾人情緒，So忠於自己，但判斷或有失準；T熱誠忠實，但喜我行我素；CB沉實堅忍，但平時卻以浮誇掩飾；KO熱血認真，但固執時容易失控；MG足智多謀，但不信任自己，無法全情投入；SU行事冷靜，但聰明反被聰明誤；NC處事圓滑，但容易受人影響；TAN專心一意，但有時太愛表現自己存在價值，會弄巧成拙；XO勇於承擔，但性格剛愎自用。

「不知為何，打GAME的師兄知道我們未齊人。」W說。

SBSH由無到有，由只有三人到現在已成為十人隊伍，由寂寂無名到開始漸露角頭。但SBSH再次來到樽頸位，無法變得更強大，未能在WARGAME界打響名堂，那並不是我們不夠人打，而是我們輸給了自己。

「為何他們要分化我們？就是害怕我們太團結。」IRONMAN在劇中如此說。

「SBSH的戰術要快、狠、準，SBSH的戰略要沉、實、穩。」[1]的意思在場內，要貫徹執行戰術，戰死方休；但勝負在場外早已決定，包括場外的言談、舉止、態度，要表現沉潛、實幹、穩重，不抗不卑，如其所如。若果GAME品就是人品，那反之亦然，因為人品就是GAME品。

「你這麼說，不怕他們不回來嗎？」你或會像特工Maria Hill問神盾局局長。

「我相信他們。」我亦如局長會如此回答︰「因為我需要他們。」

----
[1]拙文《運籌於帷幄之中　決勝於千里之外》

0422 Survival相片精華