代隊出征 II

03月10日　代隊出征 II

今次代隊出征，係大家都熟悉既西貢海灣戰區，今次作戰既人數達到28個(計埋我)。
心諗「咁先係打WarGame先係戰爭黎架嘛！」

而家學識左唔洗急，我今次都係用番上次John教既方法，先守睇清楚對方點打，當然全部都係新手，得兩個係可以話有經驗(計埋我)，另一個有經驗既人叫「王子」。
頭兩場都係同王子一隊，Lunch之後都係分開。

1戰堡壘（空地起點攻屋仔起點）：我先叫隊友們去中線，一字型咁防守，敵軍衝前但唔夠快。我就有佢地慢慢打，然後我不停響友軍範圍區域不段穿梭咁教佢地打，教佢地做Cover之類既基本野，打到中後期，有對方死左既師姐<<(真係師姐，人地Year3)講：「哇佢地咁勁，仲有人唔洗開槍，早知入佢地戈隊啦」。笑而不語，繼續指揮。當對方死剩兩三個我就教左邊既師兄(都真係師兄，人地Year2定3)，做包圍戰術，左右邊同時上前攻擊，任務完成。

完左一場之後，帶我地既場地導師（史提芬）就同兩隊做戰後檢討，佢叫我幫手同自己隊既做戰後檢討，佢就負責人地隊，史提芬講左ok耐。

2戰堡壘（空地起點攻屋仔起點）：我用同樣既戰術，但佢地今次醒目，戰後檢討之後係有改善，一開始係可以壓到我地黎打，但最後雙方響中線交戰直到End Game。

食飯。。。心諗：兩場就食飯- -???係咪咁啊....

3戰遊樂場（入口起點攻礦場死人區起點）：食完飯就更係開少少力去打啦，今次就響左邊主攻，我同三個師兄迅速走到左邊既樹林攻擊，敵人左邊守衛森嚴，交戰左一陣我即刻轉去中右線打，都攻唔到上去，再交戰大約一分鐘，就拉多兩個師兄一齊響最右邊攻上，慢慢開始打到上去既時侯，叫另一位師兄上黎戈陣我就俾人打死左。

當時戰後檢討：史提芬話：冇左呀高大家好似變左六神無主咁，要選一個副手出黎。揀完之後就又話我指揮埋今場就要俾第二個做。ok咁我照跟~~

4戰遊樂場（礦場死人區起點攻入口起點）：今次命令四個師兄守左，五個師兄攻右邊樹林位，我先帶住兩個師姐打中間，然後再幫右邊，一樣我先衝到中間先幫好左邊做防守，然後幫手攻右邊，打落左幾個我又幫手進攻既時侯死左。

5戰遊樂場（入口起點攻礦場死人區起點）：今場開始唔係我做指揮了，被命令打中線然後再隨便一邊進攻，我先跑到中間既滑梯不停兩邊左右開火cover比較慢既隊友上前，cover時都打死左兩三個，完成後我先拉兩個師兄同我響右邊做佯攻，然後我番到中間壓住右邊既死位，然後再迅速拉幾個後方支援到左邊黎一個高速突襲，殺個片甲不留，然後清場！

6戰街景（水立方方向屋仔起點攻街景入口屋仔起點）：兩方都先走到去導師看台下既房間，各佔一半，我仍然負責中線，嘗試擊退對方導師看台底下既敵人，然後嘗試到右邊攻擊，但失敗，我又即刻回後再到導師看台底到帶領進行攻擊，隊友好合作一齊合力將看台下既所有敵人殺哂，然後我就立即到左邊最底線位置做潛行，潛到架車度，諗住兜後，俾防守起點屋企既「王子」見到，同佢搏火，嘗試用左手同收埋g36c既尾柄，同佢對打，佢死左，我即刻叫右邊既隊友殺埋上去，然後我就殺入屋。兜後作戰成功！

7戰街景（街景入口屋仔起點攻水立方方向屋仔起點）：一樣先搶中線，小插曲來了！！！打打下無電，即刻退後換電再打，換完電之後又壓壓對方，之後又響右邊最底線做潛行，成功偷襲兩個敵人，然後深入敵陣，同「王子」三人交火左一陣我退後，退後時見到一名敵軍見到我我即刻入COVER，然後打算再追出去，某隊友師兄COVER我，我追上去，然後就同戈名敵軍同歸於盡。

8戰車呔陣（死人區起點攻大樹起點）：由於車呔陣既COVER唔太高，所以同幾個師兄快速衝到中間打敵人落黎，我都係衝最快戈個，但人地三支槍對住我開槍我即刻訓低COVER度，再交戰，交戰一兩分鐘後，又用例牌招，退到最後再響右邊做潛行，潛行時殺左兩個，然後我俾人發現退守時俾人殺死。

9戰車呔陣（大樹起點攻死人區起點）：我同兩個師兄響最左手邊衝上去，其他中間&右邊跟住上，衝到中間偏前既位置打左兩個落黎唔夠打我又扒低，扒左幾廿秒我再慢慢起身咁打對面對角位，又汁幾個，確認對角位置既人清左之後冇人見到我我再爬前去，又見到對角有敵人，但佢見我唔到，開左幾槍都唔認死@@「王子」，我唯有對住你開多幾槍na~~lalalala~~~最後你都係要死~~然後立即發動人海戰術！全體向前衝攻擊！我就左邊兜路！又清！完場了！

指揮工作仲未熟悉！攻擊就唔洗多講啦！～～

純粹分享（不喜勿插