首先咁遲打報告真係唔好意思啦，考完試之後掛住玩都冇左回事OTZ。
最呢個假期至到而家我最近玩番Warcraft 3 信長之野望 , 入面同人配合或者同打WarGame既配合基本上都係一樣，只係一個要俾錢、一個唔洗俾。當日打Game一開始就要得五個人應戰！不過經過一年既磨練之後都已經慣左覺得都已經冇所謂。（當然人數平衡會最好）
隻Game永遠都係五打五 , 而嬴定輸當然係睇各方既配合，只要其中一個配合唔到既話，就會面臨輸既危機，當每次發現隊友係大家可以互相配合既我會好開心咁同佢傾下一次進攻既時侯點樣配合，呢個正正同WarGame係一樣，但唔係每一次都係咁順利，總有幾次都會遇到配合唔到大家既隊友，咁點算呢？遇到呢個情況，無論遊戲還是WarGame我都會先選擇繼續用自己既方法去打，搵可以配合到自己既隊友一齊打，如果場上真係冇可以配合到自己既隊友，咁點算！？上次既車場戰我選擇左一個人照打上去，結果當然係死得好慘啦哈哈。當時只係剩番我一個強攻型人，其他都係防守型人或者狙擊手。如果再遇到呢個情況我應該點做？呢個我就要多方面學下試下喇。
今次打Game既戰術運用，係前一日我同梅Ming參考賽德克巴萊既打法，因為話就話 舊A Team復仇戰，大約都知道自軍所用既人係邊個，機動力當中我同梅Ming為最高最快最強，利用左呢個優點，我同梅Ming基本上每一場都不段穿梭場既左邊同右邊，而位置又不停咁變換對方就會比較難以去捉摸，當然我同梅Ming走動得都幾辛苦。
另外會盡快開發John既迴圈戰術同海嘯戰術。
最後，我會好好咁珍惜可以配合到一齊打既隊友們！
期待下次既戰鬥！
沒有留言:
張貼留言