琴晚訓得超好，今日精神好狀態都好好。今日既戰鬥有小小特別，因John缺陣所以John贈我地幾個錦囊。
1戰警車場(警車起點攻大樹起點) : 根據第一錦囊，都只守不攻，我同MG負責打中線，德A同TOMMY打右邊防守，敵人一開始響我方既左邊攻擊過黎，但只係得兩個人，之後既人都好似只係CAMP同守，跟住我地就打左上去殲滅成功。
2戰警車場(大樹起點攻警車起點) : 仍然根據錦囊進行，只守不攻，今次我打中線防守，德A同MG偏後，TOMMY右邊守防，今次就打得耐小小，我響中線不停咁向左射向右射咁幫手引火同做Cover大約打到10分鐘到就轉番攻擊型，我 德A TOMMY MG 響右邊兜路，我再走番去中間部份，再幫手做引火，到最後都係殲滅完成。
3戰警車場(警車起點攻大樹起點) : 根據第三錦囊，強手突擊戰術80%，我 同 Tommy 打右邊速攻，德A MG 中線偏右支援，Tommy跑得太快收唔切制，而敵人咁巧合又響呢度衝過黎，只能幫Tommy打到一個落黎，最後Tommy戰死，後來幾十秒之後我都戰死。(但點死我唔記得左)
(聽到某位師兄講 : 原來佢地都會衝，我冇諗過佢地都會衝。)
「已經唔記得第四場係打乜野，如果係警車場既話我唔記左了。」次序方面我照計落去
4戰死牛叢林(入口攻內部) : 由於錦囊所提供既戰術不適合用於叢林，所以臨時變陣，另外四位師兄入左邊唔知防守定進攻，然後SBSH 六武士 響右邊大路打過去，行到一半見到敵人，先留響原地守住，因為我想做伏擊所以一直叫MG 德A 等人 HOLD住唔郁，當我認為敵人出到黎射程之內，立即吶喊 Fire進行攻擊，好似殺左一兩個，敵人撤退，我地再慢慢潛上去，兜左個大圈，敵人響我地入口既最左手邊底線埋伏，今次我真係要讚自己好眼，一睇就慢慢再確認一下入面有幾多人，一下打左三個出黎，當然同時間MG同德A都響佢地汁邊進行小型包圍網，然後我地兜番出去出口，原來敵軍有一個師兄埋伏術好強，冇人見到佢，就只係得MG回頭望德A既時侯先見到，呢度我唔係太知發生咩事，MG話我知個師兄狙擊槍支槍有技術問題殺唔到我地跟住就一齊完場。
5戰死牛叢林(內部攻入口) : 由右邊高速移動到敵軍底線，知道敵人係埋伏，但係位置非常之唔清晰，我地響戈度停留左好耐，打又打唔到上前，我走左去中線睇下打到點，MG唔知幾時俾人打死，見到個師兄(呀叔)，話我知邊度有，我同呀叔仲有德A一齊夾死左個，跟住德A好似死左，跟住決定打打迴圈去左邊打 搵左EDA幫手，跟住我同EDA走番中線打左一陣，射左一個，再走去左邊，但係俾呀海(搞GAME既負責人) 埋伏打死左我地。
「因為俾呀海咁利害既人殺左，我決心要殺死佢。」又再重燃鬥志
6戰板間山(山頂攻入口) : 板間山第一戰我地用左主手突擊100%，我同Tommy超快速響右邊衝落去，同Tommy MG 側擊夾幾個人，德A中線引火，清左底線，(以下內容在場人士先明確知道)「負責人阿海響個白色板間，德A想入去殺佢，跟住德A死左，然後幾支槍向住白板間夾死阿海，跟住清埋左邊入口底線既敵人」。最後重新再Seach，原來有敵人唔知咩時侯去左我地衝落去右邊底線既樹林入面，今次又好眼望到佢就殺左佢然後完場。
7戰板間山(入口攻山頂) : 第五錦囊大迴圈戰術，亮劍六武士全體去左邊進攻，我同德A打中線偏左，Tommy 雞爺 MG 響左邊底線打到一半撤退，但撤退前已經打左三至四個敵人落黎，我Tommy 德A MG再到右邊攻擊，轉移戰線過後，右邊俾人壓住左，然後我Cover Fire掩護Tommy MG 上前，然後我再兜左手邊番中線偏右既地方，再等聽到Tommy MG開火時侯，再去敵人背面擊殺佢地，「包圍戰術再次成功」！然後我地再包落底線全場Seach一次就清哂End Game。
小插曲，準備緊第8戰板間山時，Tommy同話有個GBB師兄打不死。。。
8戰板間山(入口攻山頂) : 伏擊海嘯戰術，我 TOMMY MG先衝落右邊我再走番偏中間既位置做攻擊，打到一半德A嗌番黎，呢一刻我見到Tommy所講既「GBB師兄(老虎)<<亂改」響個白板間後面，已確認位置，我都叫左Tommy唔好因為要殺佢再衝先番後，Tommy叫幫拖我冇理由唔幫，我即刻走去中線到確認位置後面兜佢射佢背脊，我同Tommy兩邊夾佢先死，跟住我地又再次包落底線清埋人地又完場。但今次伏擊海嘯戰術完全失敗！
食飯小休一下。
9戰開始前，呀海將勢力拉番平均，拎左我地三個，亮劍六武士依舊，但係對方分左兩個手拉狙俾我地。。。
9戰軍營大草原(入口起點攻山地起點) : 由於陣型變動，先用番只守不攻睇下對方既打法係點樣，我 Tommy MG 兩位手拉狙師兄走到左邊軍營守住，而德A其等人就守住右邊山，有一段時間同敵人都係處於膠著狀態，兩邊都唔攻，跟住我番去右邊睇下戈度有冇野幫手，現後開始右方進攻，但俾人守住左我再退番後面再番去同Tommy會合，就響左邊進行攻擊，都係有人守住，我就走上中間既隱蔽路段慢慢潛上去睇下有冇得打佢地落黎，慢慢慢慢推都殺到上去，左邊清哂之後再由底線包番上前，包番上前行動到一半就end game。
10戰軍營大草原(山地起點攻入點起點) : sbsh進攻小隊我同mg打潛行，Tommy 德A打引火，我同MG潛到落最底底線，戈個位置其實我好想打出去，但就咁齋衝我一定死硬，所以我響戈度Hold左一陣，戈度有人守住我等左好耐先等佢背向我，戈一刻係德a引火成功，但係非常唔好彩地型問題我出遲左救唔番德a，跟住我地一齊殺入底線(軍營)，我同MG互相COVER合力擊殺左一兩個之後，再上，呢個時侯好似唔見左TOMMY，定係好似死左，跟住我再召集其他人，響敵軍起點再兜上去，我地合力再打死兩個出黎再殺上去，然後END GAME。
11戰戰壕(山頂右邊底線攻底下休息區位置) : 我同MG一氣呵成衝到底線，發現冇敵人我地一條橫線壓佢地唔俾敵人出黎，但係對方自從調配左人力之後，對方既人都係一堆人響一齊防守，但而又見唔到佢地，我就同德A打番中線，MG響包邊底線潛行觀察，MG同敵人搏火一會大約都知道敵人邊個位置，我同MG嘗試用MG引火我再響頭頂擊殺對方但唔成功，MG戰死，等左一陣之後德A下令我做番MG個潛行包圍，德A再打引火，當然德A戰死，但我借住德A行出黎既腳步聲我即刻跑去底線，包左底，確認肯定響敵人背後，先打死殺德A既敵人，我再潛上，哇今次和味，三個打橫係度一次過掃哂佢地出黎，但GBB老虎中左都要掉番轉頭打我，我即刻訓低，跟住佢話我射左唔死喎，我心諗YOU ARE THE SAME，所以叫佢一齊死出去。
等完場GBB老虎不停講，電槍成支機槍咁禁機板機唔洗玩啦，都唔真實既。(佢邊講邊偷望我)
我心諗「世界上有GAS槍同電槍，係你自己揀GAS槍姐，整得出黎俾大家用係你自己揀GAS槍炸喎，冇人逼你用GAS槍架喎，咁你係度怨乜野？」
然後我就抱住要殺GBB老虎既心態去打下一場戰壕
12戰戰壕(底下休息區攻上山頂右邊底線) : 我方進攻部隊一齊右邊快速攻上，打左陣原本想跑去下個cover位置但係開跑上發現敵人，今次大家都有小小失誤，戈一下冇人cover到我，然後我就死左。「又一小插曲，今次我好大聲對住條友講死左啦，普通人射我都冇所謂，但係因為佢指槍太痛所以我收唔到orz爆左一下」
13戰戰壕(山頂右邊底線攻底下休息區) : 今次我去左中間位打陽攻，打左陣之後自己人死左好多，包括德a tommy ，然後我地既人得番4個，一名手拉狙師兄 MG 我同雞爺，雞爺叫我帶埋手拉狙師兄一齊走，我同三個就落左去戰壕底，諗住慢慢潛，見到敵人埋伏，我響最前，手拉狙師兄響我後面MG睇後，我潛到個位置行前多小小到前面個草叢就可以100%射到敵軍埋伏，但我先前已經下令唔好開火，但手拉狙師兄佢... (OOXXOOXXOOXXXOXOXOX) 佢開火但係打唔中對方，已經陽左位，搞到我又要再向前潛行多十三碼先可以順利擊殺，潛行當時多謝MG COVER射到佢縮低。殺左伏擊既敵人之後，睇到GBB老虎出左黎同我地同一方向既底線，好似MG陽左，對射，跟住GBB老虎大聲問「係咪有色帶架??係咪有色帶架??」我同MG不約宜同咁一類型說話，MG : 「唔好答佢呀」我 : 「更係老虎蟹都唔答啦」GBB老虎好似肯定左我地係敵人知道不停開火
，我同MG不停互相COVER退後番後，好似MG唔知點樣搏火死左，然後我就去到中間試下做埋伏，GBB老虎叫人出黎幫手，諗住伏GBB老虎但係有人見到我我即刻退落戰壕射番佢打多個出黎，然後即刻飛番去雞爺度，再行遠小小諗住抖抖點知俾人拎槍支住但係佢又唔開槍，當時情況急忙我一時之急下叫佢一齊死，佢又肯一齊死，呢度小插曲黎。呢D事件我要再學一學
14再戰車場(警車起點攻大樹) : 今次我同Tommy右邊進攻，連雞爺都殺埋上黎，對打左一陣再兜番左邊戰線再打不停擾攘，對方只係守唔攻，不停向左走向右走，到最後同敵軍搏火俾人殺死。
今次戰鬥除左D小插曲之外，覺得自己狀態、能力都做得好好。
今次同MG夾得好好，我同MG既合作睇黎又更上一層樓，希望可以繼續加強合作。
報告完成。
沒有留言:
張貼留言