411Tommy祭

411Tommy祭，首先同各位隊友道歉，最尾果個竹林場因為一d戰術上o既問題控制唔到自己EQ，希望各位原諒。

回顧返411戰況，再一次確定SBSH係收費場果種狂風掃落葉o既打法係非常王道，今次除左竹林果個場之外，大家係其餘戰鬥上都越黎越有板有眼，但係係一d埋伏戰(叢林)之中，大家始終做唔好(靜靜地行)依個動作。係叢林戰之中最講求o既係攻其不備，簡單d講就係係敵人唔知你係邊o既情況下殺死對方，所以靜係非常緊要，唔單止係行路，就連講野都係，如果敵人知道你係邊，就唔係你殺死佢，係佢殺死你。同埋當埋牙(正面衝突)o既時候自己射程唔夠但係敵人夠o既時候，有時就算前方少cover，都應該攻上前壓上去，道理好簡單，你問下你自己係咪想做活靶逐個逐個比人特出黎?

xo- 經過今次依場戰鬥，相信你唔多唔少都應該知道用狙擊槍o既難度係邊，其實好多野都講過，如果你真係咁想做狙擊手的話先要射得準，望得遠，依兩樣野希望你可以改善

廷- 你一開始入黎就講過，前方攻擊始終先係你o既天地，今次你自己都親身感受到你自己係前方戰鬥同後方戰鬥果個效率o既分別。不過真係唔好就咁拎手槍，好難相信如果得你一個人上前，後面無人支援你，你會唔會做到今次o既效果，另外一樣野，就係贏得幾靚都好，對住隊家師兄講野o既時候克制d，唔好顯得自己咁自大，如果你自己出去同其他師兄玩咁樣好影響有無人會再同你玩，請注意。

KO- 嗯...你開始進入左樽頸位，依個階段始終要由實戰經驗之中走出黎，其實要解釋依個情況的話，就要逐點分析，首先影響你心理表現令你驚o既其中一樣野就係今次對手係老手居多，令你自然咁認為自己係戰場上最容易被殺o既人，其二係你開始有少少作戰經驗，令到你多左好多雜念而導致好多時都會慢左反應。慢慢黎喇，繼續打的話遲早會過依個關口。

星- 體能係一個幾大問題，令到好多時你都離開左大隊，而且當你一離開左大隊，你唔會主動追返大隊而令到自己被孤立，得返自己一個係打wargame之中最唔希望出現o既狀況，因為你會因為得一個人變到草木皆兵，要一次過照顧晒自己360度o既視覺範圍，所以如果你真係跟唔上大隊，就走去搵我地隊中最後方o既兩個人，雞子同埋John。

好，今次影唔到好多相，因為今次戰鬥好多時我都係打足全場，有d又影黎都無咩效果，希望大家見諒。

到達現場，不過落緊雨，令John淆底租槍，好彩最後都陽光普照，haha~~ 今次戰鬥o既敵人，由黃sir及海關高層人士等人組成29人大軍
Tommy帶黎兩位戰友協助，對抗大軍
非常有趣，第一次打game由休息區去戰區要坐車
full gear上車，有一種上戰場戰鬥o既感覺，雖然只係巴士.....
上左gear，份外跳豆
落到場就唔係咁o既一回事喇，認真就係咁
直昇機場，平原黎講做得唔錯，有高低地
廷今次醒神左，不過仲係安非他命裝....嘿嘿
今次活動o既關鍵人物，雞爺，無佢搵黃sir今次唔夠人玩喇
遮住塊面都係認得你嫁je.....xo，影相je......



cod相4張

其他師兄
J及T兩人被殺，失落咁返死人區
好難影囉，雞子哥
唯一一張做型相......完