在公司閒來無聊而來的一則文章

係公司無咩野做所以上黎blog到打返一則短文，希望大家有興趣可以睇睇。近期打得多左CQB，不如就講下CQB喇。CQB(Close Quarter Battle)中文叫做室內近距離戰鬥係一種香港近期好興o既wargame模式，優點就係在於場地設有冷氣系統同埋近市區，十分適合新手同埋大家係夏天玩o既，不過場地單調同埋馬虎而且價錢貴都係一大致命點。打完幾場室內場我發覺街外一D師兄佢地打GAME方式同我地好唔同，我想係依度重新話比大家聽我地自己O既方式。

我地SBSH打WARGAME(不論CQB或室外)O既一貫態度同埋方式，希望大家都有一個共同O既思維黎打GAME。

1. 了槍係絕對唔允許

2. 同其他街外師兄打GAME最緊要和氣、開心，唔好同人嘈交或講粗口話人(就算係人地錯)

3. 大家一齊出去打GAME未到場地之前要保持低調，唔好以為自己好型講野大大聲

4. 唔准淆底，打多幾次中多幾槍人就會長大唔淆

5. Bingo: 依樣野我最想講，係Wargame世界有好多種唔同o既講法，所以打Game之前大家一定要同其他師兄傾好點樣o既情況下先可以或一定要叫Bingo。我地自己打開有兩種，CQB: 係人地後面又近過1米之內先會叫Bingo，自己唔洗死，因為我係好心唔想整傷你先叫你，面對面照打如果唔係咩野叫室內近距離戰鬥。室外: 近過2米之內不論面對面定係係人地後面都要叫Bingo因為打室外o既人通常槍會較大力而且會連射，面對面一齊死。

以上依幾樣野係大家一定要知道，另外仲有一個題外話我想講下，就係同人地買2手槍或者買d妹貴好貴o既槍o既時候，如果你無咩經驗或者完全唔識o既，問一問隊中有經驗o既人先，唔好只係聽賣比你果個人講有幾勁有幾勁整左幾多錢野落去依家平到差唔多送比o既價錢比你，通常真係咁平做咩要無喇喇只係賣比你唔放上網拍賣，賣比你o既就算係朋友都係咁講，我都無知過我都比朋友昆過，但我敢保證我唔會想你地比人昆，所以信我問下我地先買，如果唔係自己做左水魚都唔知嫁喇。